855/2026-2027 

Dated Champhai, 5th June 2026: Vawiin khan DC Conference Hall, Champhaiah District Level Committee on Green Mizoram an thukhawm a, Addl. DC Pu Lalbiakfela kaihhruaina hnuaiah Green Mizoram Day 2026 hman dan tur an rel.

He hunah hian District Forest Officer leh Member Secretary ni bawk Pu Lalbiakchama Chawngthu chuan nikuma Green Mizoram Day kalpui dan te sawiin meeting agenda a chhawpchhuak a, member te'n an ngaihdan sawi khawmin tunkuma hman dan tur an rel a. Green Mizoram Day hi June ni 11 a hman tur niin Zote Community Hall-a hman tha an ti a, he hunah hian khuallian chu Champhai Bawrhsap Pu Mohammad Aaquib ni tura beisei a ni. Hemi ni hian sawrkar department te, tlawmngai pawl te leh pawl dang hrang hrangin Zote atanga Tiau kawngah thing hrang hrang an phun ang a, heng an phun te hi enkawl zel tura beisei an ni bawk ang. A lawmna hunah hian nikuma thing phun tha khua te hnenah lawmman sem a ni bawk ang.