854/2026-2027

Lawngtlai, 5th June 2026 : Vawiin khan Lawngtlai Bawrhsap Pu Donny Lalruatsanga kaihhruaiin a Office Chamber-ah Lawngtlai District chhunga Raltlan te buhfai sem chungchangah District Level Committee - ten thutkhawm an nei. 

Pu Donny Lalruatsanga chuan Member kalkawmte chibai bukin, kumin bikah Raltlan te tan buhfai - 2850 quitals pe tura ruahmanna siam a ngaih thu a sawi a. Raltlan ten a hun takah an dawn a pawiwh hle tih sawiin, mu mal taka hmalak a nih tur thu a sawi a. Godown atanga buhfai phurhchhuah kawngah    Raltlan awmna veng VC leh NGO- te an pawimawh hle tih tarlangin, hemi kawngah hian thahnem ngai taka sawrkar thawhpui turin a sawm nghal bawk. 

Thutkhawm chuan Raltlan ten a huna taka buhfai an dawn theih nan hmalak ni se an ti a. A bik takin Raltlan awmna veng/ khua VC leh NGO- ten chak zawka an lo bawhzui theih nan a tul anga hmalak ni se an ti a ni. 

Vawiin thutkhawmah hian Addl. DC, SDO (S), Addl. SP, DCSO, SDC, District Organiser, DC Office,  President, CYLA leh Secretary, Lawngtlai District Village Council Association-  te an tel thei a, Pu Donny Lalruatsanga chuan lawmthu sawiin hun a khar.