2021/2026-2027 

Dated Champhai, the 1st September 2026 : Vawiin khan Block Resource Center Training Hall, Champhai-ah Mizoram Board of School Education buatsaihin nithum chhung awh tur How to Fill HPC at the Secondary Stage tih leh Sensitization Training Programme for Headmasters tih thupui hmangin Champhai leh Khawzawl district a sikul thlan bik zirtirtu leh headmaster kalkhawmte tan workshop buatsaih a ni.

He workshop-ah hian Champhai District BRC Coordinator, Pu F Lalrinmuana chuan resource person-te leh zirtirtu kalkhawm-te lawmna thuchah a sawi a. Academic Officer, MBSE Dr.Jonathan Lalrinmawia leh DIET Champhai Lecturer Vanlalawii te chuan kalkhawmte hi HPC zir hona an neihpui a ni. He hmalakna hi National Educational Policy 2020 leh National curriculum Framework for School Education 2023 tih hlawhtlinna tur peng pakhat a ni. 

Nithum chhung hian HPC awmzia, a tum leh pawimawhna, Secondary Stage-a HPC fill-up dan, zirlaite scholastic leh co-scholastic-a an hmasawnna te uluk taka teh dan leh HPC hmanga zirlaite kawng tin renga hma an sawnna tur leh a teh dante zir ho a ni ang a. Headmaster-te tan HPC implement kawngah school level-a an chanvo leh mawhphurhna te sawiho na hun neih a ni bawk ang.

PARAKH, NCERT siam HPC chu Mizoram pumpuia Secondary stage ten an hman hmain district tina school thlan bik ṭhenkhat ten an lo hmang chhin dawn a ni