2550/2023-2024

Champhai the 30^th October, 2023 – Mizoram Assembly Election, 2023 atana hmalakna kal zelah vawiin atang khan ECI hmalakna angin Champhai District-ah kum 80 chung lam leh pianphunga rualbanlo (PwD) te vote thlak ‘Home Voting’ chu neih a ni.

Home Voting hi Champhai District a Assembly Constituency pathum -23 Champhai North, 24 Champhai South leh 25 East Tuipui ah kalpui nghal vek niin, Polling party pakua (9) te tukin zing dar 7 khan DC Office, Keifangtlang atangin an chhuak a.

Home Voting kaltlanga vote thlak tur hian Champhai District-ah Senior Citizen kum 80 chung lam mi 90 (23 Champhai North-49, 24 Champhai South-30 leh 25 East Tuipui-11) ten an hming an pe lut a, pianphunga rualbanlo (PwD) hming pe lut an awmlo a ni.

Home Voting kaltlang hian vawiin khan mi 86 in Postal Ballot-in Vote an thlak a ni.