2549/2023-2024

Aizawl, 30th October, 2023: Election Commission of India chuan voter tam thei ang berin vote an thlak ngei theih nan kum 80 chunglam leh pianphunga rualbanlo, Persons with Disabilities te, polling station a vote thlak tura harsatna neite tan an in lum atanga vote an thlak theih nan Home Voting Facilty ruahman a ni a. Vawiin ni 30 October 2023 (Thawhtanni) atangin Aizawl District ah chuan tan a ni.

Aizawl District ah hian mahni in atanga vote thlak dil hi mi 900 chuang an awm a. Postal Ballot a vote thlak in, home voter te hi an in a kal chilh a buaipui ngai te buaipui turin team 25 siam a tirhchhuah an ni.

Aizawl DC chuan Home Voting hi Mizoramah chuan General Election atana hman vawikhatna a nih avangin thenkhat tan la hriat loh palh awm thei a nih thu sawiin, inthlan lo awm zel turah tangkai zawka hman a nih zui zel a beisei thu a sawi.

Vawiin vek khan police election duty ten postal ballot in vote an thlak bawk a. DEO Pi Nazuk Kumar chuan a hmunah tlawhin a enfiah a ni.