2548/2023-2024

Lawngtlai dated 30th October 2023: Mizoram Legislative Assembly General Election 2023 neih tur ah October ni 31 atangin kum 80 chunglam leh pianphung a rualban lo, vote thlak tur a Polling Station pan thei lote tan Postal Ballot hmang a Home Voting kalpui tan a ni ang.

Lawngtlai District chhung a 36-Tuichawng Assembly Constituency ah Absentee Voter, Home Voting titur mi 13 an awm a, 37-Lawngtlai East Assembly Constituency ah mi 79 leh 38-Lawngtlai West Assembly Constituency ah mi 11 Home Voting titur an awm a. Lawngtlai district pum ah mi 103 awmin Mobile Polling Team-ten an mahni inah an kalchilh dawn a ni.

Mobile Polling Team-te hi vawiin khan DC Conference Hall, Lawngtlaiah Nodal Officer-ten training an pe a, Team 4 an awm a ni. Polling Station a duty tur Polling Official-te tan Postal Ballot hmang a vote thlakna hun buatsaih a lo nji tawh bawk a ni.