140/2024-2025 

Champhai, the 10th April, 2024: General Election to Lok Sabha, 2024 atana Champhai District chhunga EVM/VVPAT khawl hman tur hrang hrang, second randomization of EVM/VVPAT kaltlanga District chhunga Polling Station 84 bakah tul thulha hman tura siamfel tawhte chu vawiin khan inthlan huna hman theih mai tura buatsaihna hnuhnung, 'EVM/VVPAT Commissioning' DC Office, Champhaiah neih a ni.

He hun hmanpuitu District Election Officer Pu James Lalrinchhana chuan EVM/VVPAT Commissioning chu inthlan huna hman tur khawlte felfai taka siamfelna hun a nih thu sawiin, hei hian vote thlak kawngah awmze thui tak a neih avangin fimkhur leh awmze nei taka hmalak a ngai a ni, a ti a. Hemi buaipui tura ruat hrang hrangte chu theihtawp chhuah tur leh thiam loh awmte pawh hotute zawh hrehlo turin a fuih bawk a. EVM/VVPAT Commissioning hriatpui tura lokal political party aiawhte chungah lawmthu sawiin, inthlanna muanawm, felfai leh langtlang buatsaih a nih theih nana tawiawm zel turin a sawm nghal bawk.

Vawiin hian 23-Champhai North Assembly Segment atana hman tur EVM/VVPAT Commissioning hi General Room-ah neih a ni a, 24-Champhai South Assembly Segment hi Superintendent Room-ah neih niin, 25-East Tuipui Assembly Segment hi Election Room No- 2 ah neih a ni a. He hunah hian Electronic Voting Machine (EVM) Control Unit (CU) 138, Balloting Unit (BU) 151 leh Voter Verifiable Paper Audit Trail (VVPAT) 145, second randomization of EVM/VVPAT kaltlanga siam fel tawhte chu inthlan ni a hman mai theih tura buatsaih an ni a. EVM/VVPAT khawlte hi commission zawh hnu hian venhimna khauh tak hnuaiah assembly segment tin tana ruat strong room-ah dah luh zel niin, vote thlak huna hman turin vote thlak hma ni ah chauh lakchhuah a ni tawh dawn a ni.

He hunah hian Pu Lalrinawma, Nodal Officer, EEM & PD, DRDO, Pu K. Zorammuana, Dy. DEO/ Addl. DC, Pu Lalmalsawma Hnamte, Addl. SP, Pu Benjamin Zalawma Ralte, Election Officer, Pu Lawmkima, Senior Micro-Observer & LDM, Election Official dangte, Electronics Corporation of India Limited (ECIL) Engineer-te, Security Personnel leh Political Party aiawhte an tel a ni.