4526/2023-2024

LUNGLEI; the 10th April,2024: Vawiin atang khan Lunglei District chhunga General Election to the Lok Sabha,2024  vote thlak ni (Poll Day) a hman theih turin Electronic Voting Machine(EVM)/VVPAT te chu  sawngbawl( Commission) tan a ni.

Commissioning-ah hian hian Form 7A (List of Contesting Candidates) a tarlan Candidate te hming leh an chhinchhiahna (symbol) te ECIL Engineer ten VVPAT-ah an thun a. 2^nd  Randomization in Polling station tina a semdarh( allot) ang khan Polling station number leh hming te chu EVM-ah tar/bel  a ni nghal a, Ballot paper te chu Ballot unit-ah an dah vek a ni bawk. ECIL Engineer ten EVM Sana leh Battery te,EVM part pawimawh dangte endik nghal zel a ni. Tichuan khawih danglam theih loh tura uluk taka seal in, Strong room-ah an dah tha nghal zel a ni.

EVM/VVPAT Commissioning hi Political Party hrang hrang aiawh te hriatpuina( witness) hnuaiah kalpui niin, EVM awm zat atangin 5% chhutin Mock Poll an thlak nghal a ni.

Vawiin EVMs commissioning hna hi Team 2: team I&II in an buaipui a, Team-I hi Pi Malsawmhriatzuali, SDC  in kaihhruaiin, Team-II hi Pi Lalvenhimi, BDO in a kaihhruai ve thung a ni.

Lunglei District hnuaia EVM/VVPAT Commissioning hi ni hnih chhung(10th April atanga 11th April chhungin) zawh fel hman tum a ni a. Vawiinah Thorang AS leh Lunglei South AS a hman tur EVM te commission a ni a. Naktukah hian Assembly segment 4: Lunglei North, Lunglei East, Lunglei West leh West Tuipui a hman tur EVM te commission  leh tum a ni.