Nimin April Ni 11 a Member of Parliament (Lok Sabha) inthlanna  neih zawh tak enfiahna leh zirchianna Post Polled Scrutiny chu vawiin khan General Observer Room-ah  Pu Bidol Tayeng,IAS General Observer for Champhai District and  Serchhip District hova neih a ni.

He hunah hian Champhai District chhunga Assembly Constituency panga 21-Lengteng, 22-Tuichang, 23-Champhai North, 24-Champhai South leh 25-East Tuipui A/C hnuaia  Polling Station hrang hrang 137 awmte a vote tlak dan leh vote thlak kalpui anih danahte thil felhlel a awm leh awm loh enfiah a ni a. Assembly Constituency a vote tlak dan chawhrual aia za zela 15 a tam emaw, tlem emaw Polling Station a awm chuan Post Polled Scrutiny hmang hian chung Polling Station-te chu zirbing a ni.

21-Lengteng A/C a Polling Station 27 vote tla chawhrual 60.07 % atanga chhut a Post Polled Scrutiny tihngai vote 42.99 % tlakna 21/8 Teikhang P.S leh vote 80.91% tlakna 21/19 Vankal P.S te , 23-Champhai North A/C Polling Station 30 awmna vote chawhrual 62.67% aia 15% a vote tlak tamna 23/5 Pamchung P.S 81.18% leh 23/21 Keifangtlang P.S , 112.87 % te chu enfiaha zirchian anih hnuah thil felhlel awm lo a hriat a ni a, DC Complex hmuna Polling  Station awm 23/21 Keifangtlangah hian Election Duty Certificate (EDC) hmanga vote thlak an tam vanga vote tla zat tam a ni.

24-Champhai South A/C hnuaia Polling Station 25 vote tla zat chu za zela 61.55 niin Post Polled Scrutiny tihngai pakhat vote 78.81% tlakna 24/2 Chhungte PS  a awm a. 25-East Tuipui A/C hnuaia Polling Station 29 awmte vote tla chawhrual chu 61.43% a ni a, hemi aia tam Polling Station pathum 25/2 Hruaikawn 80.36%, 25/3 New Hruaikawn 80% leh 25/6 Zawngtetui 79.84% ah te zirchianna Post Polled Scrutiny neih a nih hnuah  diklo engmah hmuh a ni lo.

22-Tuichang A/C hnuaiah hian  Polling Station 26 awmin vote tla chawhrual chu 60.91 a ni a, Post Polled Scrutiny tihngai Polling Station a awm lo a ni. District pumpuia vote tla chawhrual 61.33 aia vote tlak thatna Assembly Constituency pathum a awm a,  Vote tlak thatna ber 23-Champhai North A/C 62.67%, 24-Champhai South A/C 61.55% leh 25-East Tuipui A/C 61.43% te an ni a. 21-Lengteng A/C vote 60.07% tlakna leh 22-Tuichang A/C 60.91% tlakna ten District pumpuia vote tla chawhrual an pha lo thung a ni.

Heng bakah hian Presiding Officers Diaries, Form 17 a voters ziah luhna leh lehkha pawimawh dangte endik a ni a. He hunah hian EVM/VVPAT  chhiate, EPIC nilo hmanga vote tlak tam lamin za zela 25 a pel em tih enfiahte, Polling Station-ah tender  voters panga aia tam an awm em tih thlengin  enfiah niin thil diklo hmuh ani lo bawk.

Vawiin Scrutiny neihnaah hian District Election Officer Dr Naveen Aggarwal, Champhai District Election Official te leh political party aiawh te an tel a ni.  Political party aiawhte zawhfiah duh leh complain duh an neihte sawina hun siam sak an ni a, engmah harsatna leh thu thlen duhte an nei lo a, Champhai District chhungah inthlanna mu dik leh muanawm tak  neih anih thu tarlan a ni.