4741/2025-2026

Champhai, dated 9th March 2026: Vawiin khan DC Conference, Champhaiah District Water & Sanitation Mission (DWSM) an thukhawm a, Chairman, Champhai Bawrhsap Pu Mohammad Aaquib chuan kaihruaiin March ni 9 atanga ni 23 chhunga hman tur, Jal Mahotsav campaign a hawng a ni.

He hunah hian PHE Champhai WATSAN Division EE leh Member - Secretary ni bawk Er. Jerome Lalremtluanga chuan DWSM hnathawh hrang hrang - Jal Seva Ankalan kalpui a nih dan te, Jal Arpan Diwas hman a nih tawh thu te, DWSM technical thil chi hrang hranga pui tura District Technical Unit (DTU) din thu te leh hmalakna dang tam tak a tarlang a, SBM-G District Coordinator Pi Julie C. Mawii chuan Khawbunga Plastic Waste Management Centre sak mek chungchang a sawi bawk a ni. DWSM thukhawm chuan he campaign hman dan tur relin sub-division-ah leh khaw hrang hranga hman dan tur te an rel a, March ni 23 hian a kharna hun hman an rel bawk a ni. Member kal khawmte hian Jal Mahotsav puala thutiam, tui humhalh leh humhim tha turin an la ho bawk a ni.

Chairman Pu Mohammad Aaquib chuan DWSM leh PHE department hnathawh te chu tha a tih hle thu sawiin Champhai chu tuihna kan humhalh thain tui kan hmang thiam tih a sawi a, he Jal Mahotsav pawh hi tha taka hmang turin theihtawp chhuah turin member te a chah a, tui hi mitin tana thil pawimawh tak a nih vangin tumah dawng tha lo emaw nei lo an awm loh nan hma lak zel a tul thu a sawi a ni.