4742/2025-2026

Lawngtlai, 9th March 2026 : Vawiin khan Pu Donny Lalruatsanga Lawngtlai Bawrhsap kaihruaiin a Office Chamber-ah 'Bawrhsap Award 2026' chungchang sawiho a ni.

Pu Donny Lalruatsanga chuan 'Bawrhsap Award' chuan Lawngtlai khawpui faina leh thianghlimna kawngah nasa takin hmasawnna a thlen thu a sawi a. Faina leh thianghlimna kawngah hmasawn zel a tul thu tarlangin, VC, NGO leh khawtlang mipuite thahnem ngai taka thawhpui turin a sawm a ni. Veng fai endik kawngah MJA ten hna an thawk tha hle tih sawiin, endik hna kalpui zel turin a ngen a. Lawngtlai District - in faina leh thianghlimna kawngah hma a sawn zel theih nan rilru put hmang thlak pawh a hun tawh hle a ti a, rilru, taksa leh khawtlang vawngfai turin mi tinte harh thar a tul hle a ni, a ti. Bawrhsap chuan faina kawngah sawrkar kutah engkim dah thei a ni lo tiin Lawngtlai mipuite theihtawp chhuaha thawhpui turin a sawm am Council Veng, New Vengpui leh Electric Veng VCP ten an ngenna angin, an veng chhungah CCTV dah sak an nih tur thu Pu Donny Lalruatsanga chuan a tarlang bawk.

Bawrhsap Award- hi Lawngtlai khawpui chhunga Village Council - 12 inelna tur a ni a, Award- hi kum tinin Republic Day ( 26th January) ah hlan thin a ni. He Award dawng tur thlannaa tehfung hrang hrang leh lawmman tur chu a hnuaiah hian tarlan a ni.

Tehfung

1. Veng chhung faina ( Side - drain, Kawngpui, Mimal leh Vangtlang hmunhma te)
2. Ran khuahkhirh that dan
3. Veng chhung Motor - parking felfai dan

Lawmman

Pakhat na : Rs. 1,00,000 + Trophy
Pahnih na : Rs. 70,000 + Trophy
Pathum na : 50,000 + Trophy
Consolation Prize : VC (Pakhat tan ) Rs. 20,000

Bawrhsap Award- dawngtu tur endik hna hi Mizoram Journalist Association (MJA) ten an thawk a, an ni hian thlatin endik hna an thawk thin a ni.

Vawiin thutkhawmah hian MJA Lawngtlai, President, LDVCA, VCP New Vengpui, VCP Council Veng leh VCP Electric Veng te an tel thei a,  Pu Donny Lalruatsanga chuan lawmthu sawina neiin hun a khar.