2142/2025-2026

Champhai, dated 10th November 2025: Indian history-a tribal hotupa pawimawh tak Birsa Munda piancham atanga kum 150-na hriatreng nana duan, Janjatiya Gaurav Diwas chu Champhaiah lawm tum a ni a, vawiin khan Champhai Bawrhsap Pu Mohammad Aaquib hovin lawm dan tur rel a ni.

Janjatiya Gaurav Diwas pual hian November ni 14, 2025 hian chawhnu dar 2-ah hun hman a ni ang a, stall chi hrang hrang - aadhar saturation, health camp etc. hawn a ni bawk ang. Sikul naupang tan bang inchei siak (wall painting competition) huaihawt tum bawk a ni.

Birsa Munda hi Munda tribe niin Bengal Presidency-ah a piang a, British-in India ram a awp lai khan he awpna dotu zingah telin 1899 leh 1900 inkara Munda Rebellion-ah khan hotu leh kaihruaitu a ni.