2141/2025-2026

Kohima, 10th November, 2025 : India hmarchhak huap Commonwealth Parliamentary Association (CPA) India Region Zone-III Conference vawi 22-na chu November ni 9 – 13, 2025 inkar chhung hian Kohima, Nagaland-ah neih mek a ni a, he hun hmang tur hian Mizoram aṭangin Assembly Speaker Pu Lalbiakzama, Deputy Speaker Pu Lalfamkima leh MLA pathum, Dr. Lorraine Lalpekliana Chinzah, Adviser to C.M, Pu T. Lalhlimpuia leh Pu Jeje Lalpekhlua te an kal a, Assembly Secretariat aṭangin Addl. Secretary Pu Lalthangmawia bakah officer leh staff engemawzat an tel bawk.

Conference thupui chu , 'Policy, Progress and People : Legislatures as Catalyst of Change' tih a ni.

Conference hi Shri Om Birla, Lok Sabha Speaker chuan khuallian niin a hawng a, Shri Harivansh, Deputy Chairman, Rajya Sabha leh Parliament aṭangin mi pawimawh tak tak an tel a ni.

Vawiin (10.11.2025) hian 'Role of Legislatures in achieving Vikshit Bharat, 2047" tih thupui hmangin Plenary Session neih a ni a, Mizoram aṭangin Speaker Pu Lalbiakzama leh Dr. Lorraine Lalpekliana Chinzah, MLA, Adviser to C.M. ten thu an sawi.

Naktuk (11.11.2025) hian Conference hi chhunzawm leh a ni ang a, Plenary Session-II awm lehin  "Climate Change - In the light of recent cloudburst and landslides in some North East Region" tih thupui sawiho leh a ni ang.