2140/2025-2026

Khawzawl, dated 10th November, 2025: Vawiin chawhma dar 11:00 khan Khawzawl DC Auditorium-ah District Consumer Protection Council (DCPC) te'n LPG Home Delivery chungchangah Khawzawl Bawrhsap Pu K. Vanlalthiana hovin meeting an nei.

He meeting-ah hian Mamawia Indane Agency a thawkte chu lo kal in, Chairman Pu K. Vanlalthiana leh DCPC member te nen LPG Home Delivery an kalpui dan te leh an hmalak dan te an sawi ho a, Home Delivery chu a aia thaa kalpui dan tur te rel hovin mipui ten hmamthatna an neih theih dan tur te sawi ho a ni a. DCPC leh Mamawia Indane Agency chu thawhhona tha an neih a ngaih dan te an sawi a, thahnem ngai tak leh mahni hnathawh zawn theuha tan lak nasat zual a tul zia te sawi ho a ni. LPG Home Delivery chu hma a sawn zel theih nan DCPC hova LPG Home Delivery chungchanga awareness/campaign gas agency te nen a rang lama neih nise tih an rel a ni. Chairman Pu K. Vanlalthiana chuan mipui tana malsawmna ni turin gas agency te leh DCSO office lam te tha taka thawk ho turin a fuih a, mi tam zawkin home delivery an hman tangkai vat theih nan tan la turin a chah a ni.