Vawiin chawhma Dar 10 khan Champhai District Hospital OPD- ah Naupang kum 5 hnuai lam kawthalo do beihpui Intensified Diarrheo Control Fortnight (IDCF) ni 28th May- 8th June' 2019 chhung awh tur chu Dr Zatluanga, DMS chuan a hawng. 

Hawnna inkhawm hi Dr. Vanlalnghaki, CMO Champhai chuan kaihruaiin 'Kawthalo avanga naupang thihna  thleng thin tawh lohna turin Department thawktute leh mipuite kan thawhho a ngai a ni' a. Kawthalo do beihpui Intensified Diarrhoea  Control Fortnight chuan District pumhuap a tuam tur thu sawiin, District Hospital, CHC, PHC leh Health Sub Centre-ah te ORS leh Zinkal department thawktute leh Asha te kaihhruainain sem a nih tur thu a sawi bawk. 

Dr. Zatluanga DMS pawhin thusawiin 'Kawthalo avanga thihna a awm tawh lohna turin Mipuite'n Hospital changtlung tak kan neihte hman tangkaina chang kan hriat a ngai a ni' a tiin, a hun taka Damdawi In pan lo te'n an thihpui fo thin avangin mithiam zawkte rawn vat nachang kan hriat a, Doctor-te damdawi chawh ang   hun takah a course ang thlapa ei a pawimawh a ni' a ti a.  Kawthalo do beihpui Intensified Diarrhoea Control Fortnight chu Champhai Distrcict  mipuite'n hlawk taka kan hman ngei theihna tura duhsakna hlanin a hawng a ni.

He hunah hian Dr. Biakthansangi, Paediatrician  chuan IDCF a sawi zau a. India ram chu khawvela Kawthalo avanga thihna thleng percent tisangtu anih thu leh Kawthalo lan chhuah dan leh a enkawl dante chipchiar takin a tarlang a.  Dr. J. Lalramchhuanga, MD-in  lawmthu sawiin he hun hi a khar a ni. Hawnna inkhawm neih zawh hian ORS leh Zinkal te a thlawna sem nghal a ni bawk.