1840/2026-2027

Dated Champhai, the 18th August, 2026: Vawiin khan Mizoram Cooperative Apex Bank Ltd. buatsaihin I&PR Auditorium, CHANEM building, Champhaiah KCC Coverage Enhancement Training buatsaih a ni a, NABARD District Development Manager, Pi Lalhmachhuani'n a hmanpui a ni.

Pi Lalhmachhuani chuan kalkhawmte hnenah Bana Kaih (Handholding) Scheme leh NABARD hnuaia scheme hrang hrangte hrilhfiahna hun a hmang a. BDPIC leh PDC a mithiamten training hi pek chhunzawmin, KCC loan pawimawhna te loan dil dan tur te leh MPACS member ten KCC loan an lak ve dân tur te uluk zawka inzirtirna hun hman a ni a, MPACS member 40 an tel a ni.

KCC Coverage Enhancement Training-hi Champhai, Khawzawl leh Saitual District chhunga MPACS ( First Phase Computerized ) te tana buatsaih niin, kalkhawmte hnen atangin zawhna leh chhanna hun hman anih zawhah, Pu Lalchhuanawma, Branch Manager, Mizoram Cooperative Apex Bank Ltd. chuan lawmthu sawiin hun a khar a ni