1839/2026-2027

Dated Aizawl, August 18, 2026: Vawiin chawhnu dar 1 khan Food, Civil Supplies & Consumer Affairs department buatsaih 2-day program on consumer awareness for District Officers chu Conference Hall, Aijal Club-ah neih a ni a, district hrang hranga thawktute an tel kim hle. Workshop hi naktukah neih chhunzawm a ni ang.

Pu C. Zadailova, Additional Director, FCS&CA Department chuan fuihna thu sawiin district officers leh staff-te chu a grassroot a consumer te dikna chanvo kengkawhtu annih avangin an pawimawh hle a, chuvang chuan inthlahdah lo a, theihtawpa hna thawk zel turin a chah. District officers-te chu mi tin ban phak leh mipui te’n vuivaina an thlen ngama awm tum tlat turin a chah a, an thil zirte pawh an hnathawhna hmun an thlen hunah kalpui nghal turin a fuih bawk.

Advocate Pu T. Lalnunsiama chuan 'Awareness on Lok Adalat and Mediation: Procedure & Advantages' tih thupui hmangin kalkhawmte a zirtir a, zawhna leh chhanna (Interactive session) bakah sawihona hun hman a ni. 

Vawiin hun hman hi FCS&CA Deputy Director (General Supply), Pi Esther Leihang-in a kaihruai a, kalkhawmte lawmna thu sawiin hlawk taka hun hmang turin duhsakna a hlan bawk. 

Vawiin workshop-ah hian district hrang hrang aṭangin thawktu mi 30 vel an kalkhawm a. Ruahman lawk dan chuan naktukah ‘Handling of Consumer complaints,’ ‘Smart PDS’ leh ‘Awareness on Consumer Related Acts & Laws’ tih thupui hmangin workshop hi neih chhunzawm tum a ni.