3574/2023-2024

Champhai the 30th January, 2024 - Local Administration Department buatsaih in Rastriya Gram Swaraj Abhiyan (RGSA) chungchang inzirtirna hun pawimawh tak vawiin khan DC Conference Hall Keifangtlang ah neih a ni. 

He sensitization programme ah hian DC Pu James Lalrinchhana chu khuallian niin DLAO Pu Moses Lalfakawma Tlau chuan inkhawm a kaihhruai a. District Programme Manager Pi H. Lalenkawli'n RGSA chungchang sawifiahin power point presentation a pe a. 

He hunah hian, District Level Department Official te leh Champhai North leh Champhai South V/C Association aiawh te an kal tha hle a ni.

He hun ah hian RGSA kaltlanga Department hrang hrangte leh VC te thawhho theih dan zirho a ni a. Department te leh VC te chu hnathawh chungchangah inrawn tam tur te, tin, Sustainable Development Goals hnuaia hmalak theihna hrang hrang mila hna thawh tur awmze nei zawka ruahmanna siam thin tura zir tir an ni. Tin, Department te pawh thawhhona tha zawk convergence awmze nei zawka kalpui tura infuih thar a ni a. Mahni Department bil chauh ngaihtuah lovin, huapzau leh funkim thei ang bera Department tin ten inrawnkhawm uar tur te, hmasawnna chungchanga Department tin te mahni theihna zawn theuha VC te nen thawkho tam lehzual tura ngen an ni. VC ten hna thawh tur an buatsaih lai hian Department hrang hrangte rawn zau tura hrilh hriat an ni bawk. RGSA a theme hrang hrang hnuaia hnathawh theih te hrilh an ni bawk.