3573/2023-2024

Serchhip 30th January, 2024 : Vawiin khan Serchhip Press Club-ah Mizoram Journalists’ Association (MJA) Serchhip District te chuan an Annual Conference Vawi-24-na an hmang a. He hun hi Serchhip Bawrhsap Pu David Lalthantluanga IAS chuan khuallian niin a hmanpui a ni.

DC Pu David Lalthantluanga chuan Media chu sawrkar leh mipui inkar thlunzawmtu, sawrkar hma lakna hrang hrang mipuite hrilhria a, an hnen a thlen theih nana hmanraw pawimawh tak a ni, a ti a. Sawrkar tha a awm theihna tura ban pawimawh tak, sawrkar policy mipuite hnena puangzar tu, policy duangtute leh mipui rilru sukthlek dan kaihruai thei tu in ni, a ti. DC chuan ram hmasawnna tura thil tangkai article leh editorial te ziak tam turin journalist te a fuih a. Serchhip District chhunga sawrkar hmalakna hrang hrang te pawh ziak uar tur leh, a zirchianna lam hawizawng te pawh ziak tam turin a fuih a. Sawrkar khalh ngil tur leh a tha ti chak tura an pawimawhzia hre reng a, thahnemngai taka thawk zel turin Pu David Lalthantluanga chuan kalkhawmte a fuih a ni.

Serchhip District MJA Annual Conference Vawi-24-na hun khatna hi Pu C Ramengmawia,Vice President.MJA Serchhip District chuan kaihruaiin, MJA Serchhip District President Pu C.Lalhminghlua chuan kalkhawm te lawmna thu sawiin Presidential speech a sawi bawk a ni.

Hun khatnaah hian Serchhip District Indformation & Public Relations Officer leh Deputy Director, I&PR ni bawk Pi Lalnumawii MIS hnen atangin thusawi tawi ngaihthlak niin Serchhip District MJA Annual Conference hmangtute duhsakna a hlan a, inpumkhat leh inlungrual a, Serchhip District hmasawnna atana ke pen zel turin a chah a ni.

Serchhip MJA Annual Conference Vawi-24-naah hian Serchhip District MJA General Secretary Tv.Zonunsanga Kawlni hnen atangin kum kalta 2022-2023 chhunga Serchhip District MJA te chetchanna leh Report hrang hrangte ngaihthlak niin,Serchhip District MJA sum vawngtu (Treasurer) Pu Lalremruata Ralte hnen atangin Sum report ngaihthlak ani bawk a, Pu RL Hlupuia Secretary i/c Information in lawmthu sawiin hun khatna hi a khar ani.

'Serchhip District MJA Annual Conference Vawi-24-na' hun hnihna (2nd session) ah hian Serchhip District MJA President Pu C Lalhminghlua kaihhruaina in ‘Conference Rorel’ neih anih hnu in, Returning Officer (RO) Pi Lalnunmawii MIS ,District Information & Public Relations Officer(DIPRO) kaihhruaina hnuaiah Kum 2024-2026 chhunga Serchhip District MJA hruaitu thar thlanna neih a ni a,heng mite hi thlan chhuah anni.

President : Pu C Lalhminghlua
Vide President : Pu Kapliana Pachuau
Treasurer : Pu R Lauansanga te anni

Tun dinhmunah Serchhip District ah MJA member 14 an awm a, Serchhipah Tualchhung Nitin chanchinbu pasarih ti chhuak mekin, Thenzawlah Chanchinbu 3 tihchhuah mek a ni bawk a ni.