3572/2023-2024

LUNGLEI; the 30th January,2024: Tukin chawhma dar 10:00 khan Tourism Minister Pi Lalrinpuii chuan Lunglei Tourist Lodge panna kawng, kum 2017 atanga lei tlahniam avanga tlabal ta chu a hmunah a enfiah. Tunah hian Tourist Lodge hi motor lut theih lovin a awm mek a, Tourist Lodge-a mikhual thleng te tan harsatna nasa tak a siam mek a ni.

Tukina Tourist Lodge panna kawng a enfiah lai hian, Minister hian kawng thar sial dan tur te, Tourist Lodge hmunhma cheithat dan tur te leh thil tul dang te chu amah tawiawmtu concern Dept.officials te nen an rel ho nghal a, hma lak nghal thuai tum a ni.

Minister Pi Rinpuii hi Lunglei Bawrhsap Pi Ramdinliani, Tourism  Addl.Secy Pu V. Lalengmawia, Er. David Sapzova, Chief Engineer, PWD( Planning), E-in-C office  leh PWD official dang te, Lunglei Municipal Council puipa te,  BDO Lunglei RD Block leh Zotlang VC member ten an tawiawm a ni.