3574/2023-2024

LUNGLEI; the 30th, January, 2024: Vawiin chawhma dar 11:30 khan Pu Vanlalhlana, Minister for Public Works Department, Transport Department leh Parliamentary Affairs Department chuan Lunglei Municipal Council Office a tlawh. Pu Lalzuithanga, Chairman LMC, LMC Councillor leh LMC Official ten an lo dawngsawng a ni.

LMC Office-a a puala hun hmanna hi Pu Lalzuithanga, Chairman LMC chuan a kaihruaiin, Minister Pu Vanlalhlana chuan LMC Councillor te chu Lunglei tana hnathawk tura thlantlin in ni a, hnathawh pawh in chak ka ring a, hnathawh an theihna turin sawrkarah thlen a tum thu a sawi a ni.

Pu Lalzuithanga, Chairman LMC chuan LMC dinhmun tlangpui sawina a nei a, Mizoram Municipal Act 2007 hnuaiah hna an thawh theihna turin dan tesep Draft Regulations leh Bye Laws paruk November 2023 khan an duang a, chung te chu The Lunglei Municipal Council ( Control of Parking and Collection of Fees) Regulations, The Lunglei Municipal Council Building Regulations, The Lunglei Municipal Council (Display of Advertisement and Hoarding) Regulations, The Lunglei Municipal Council Solid Waste Management Bye Laws, The Lunglei Municipal Council Plastic Waste Management Bye Laws, leh The Lunglei Municipal Council Licensing Regulations te a ni. Post creation leh mamawh hrang hrang te a sawi bawk.

Pu Vanlalhlana hi Pu Lalramliana, MLA Lunglei South bialtu leh Pu T. Lalhlimpuia, MLA Lunglei West bialtu ten an tawiawm a. Pu Lalramliana (Papuia)  Lunglei South bialtu  MLA leh LMC Councillor ten thu  sawina hun an hmang hlawm bawk a ni.