3570/2023-2024

LUNGLEI; the 30th, January, 2024: Vawiin khan Pu Vanlalhlana, Minister, Public Works Department, Transport leh Parliamentary Affairs Department changtu chuan Lunglei High Powered Committee Office a tlawh. Minister hi Pu Lalramliana Papuia, MLA Lunglei South bialtu leh Pu T. Lalhlimpuia, MLA Lunglei West bialtu ten an tawiawm a ni.

HPC Office a hun hmanna hi Pu Vanlalmuana, Chief Planning Officer, HPC Lunglei chuan a kaihruaia Minister Pu Vanlalhlana chuan HPC kalphung leh hmalakna te ngaithla tura lokal a nih thu a sawi a. HPC hi mipuiin an chhawr a ring a, HPC hi District dang mipui ten an hman tangkai leh kai loh an zir a chuvangin in fimkhur a ngai a ni a ti a. Sorkar thar a pianga, mipui in min thlir a ngaihtuahna fim hmanga ram tana tha ber tur a nih chuan hmasawnna kawngah thui tak hmalak tum a nih thu a sawi bawk.

HPC Vice Chairman Pu V. Malsawmtluanga pawhin thu sawiin Pu Vanlalhlana, Minister in HPC Office a tlawh avangin lawmthu a sawi a, kuthnathawktu te leh thalai te eizawnna siamsak hi HPC atanga ruahmanna a awm thu a tarlang a. HPC hi mipui ten an chhawr theihnan hmasawnna mil anga kalpui a tum thu a sawi a ni.

HPC office tlawhna ah hian Pu T. Lalhlimpuia MLA pawhin thu a sawi a, Pu Lalfakzuala, President YMA Sub Hqrs, Lunglei in Lunglei District hmasawnna tura hmalak a ngaihna te sawi bawk.

Pu C. Vanlalmuana, Chief Planning Officer, HPC Lunglei in HPC dinhmun leh an hnathawh tlangpui te a tarlang a, HPC hi kum 1990 din a ni a, kum 2009 atangin fund pek tan a nih thu sawiin funding, implementing leh monitoring agency an nih thu a sawi bawk a ni.