4507/2025-2026

Champhai, dated 17th February 2026: Vawiin khan Mizoram State Legal Service Authority leh Administrative Training Institute buatsaihin Champhaia sorkar department hrang hrang hotute tan Legal Provisions and Matter chungchang Special Awareness Campaign neih a ni a, Addl. DC Pu James Lalnithanga chu khuallian niin ATI Director Pi Rita Lalnunmawii Pachuau chuan hun a kaihruai a ni.

Khuallian Pu James Lalnithanga chuan thu sawiin, sawrkar hnathawk kan nih angin mipuite tana rin ngam kan nih hi a tul a. Kan thil tih leh kan thutluknate hian dan lamah nghawng a nei zel thei tih hria ila. Kan hna thawh kawngah dan ang tak leh langtlang takin mawh latu kan ni tih hre reng chunga kan thawh a pawimawh, a ti a.

Sawrkar hnathawk dan leh hrai siam te reng reng hi dik leh rintlak a hna kan thawh theihna tura duan a ni a. Kan phur tirittu ni ni lovin, min venghimtu zawk a ni tih kan chian a tul, tiin kalkhawmte chu sorkar inrelbawlna leh dan kaihhnawih hrang hrangte chu dik taka hnathawh theih nan hrechiang turin a chah a.

Champhai district chu ramri depa awm kan nih avangin district thenkhat aiin thawh inang rengah hna a tam zawk a. Kan hnathawhte hriatthiamna thuk zawk kan neih chuan hlawk zawkin hna kan thawk thei a. Harsatna leh buaina tam tak pawh kan pumpelh theih phahin, mipuiin kan chungah rinna an nghat ngam dawn a ni, tiin a sawi a. Special Awereness Campaign chu hlawkpui ngei turin kalkhawmte duhsakna a hlan bawk a ni.

Vawiina Special Awareness Campaign ah hian thupui pawimawh tak tak Writ Petitions Including Appeals, Contempt cases and Para-wise comment, Child Laws: POCSO & JJ Acts, General Principles/Legal Maxims/Doctrines in Law, Social Media Ethics leh Alternate Dispute Redressal/ Legal Services te hmangin resource persons Pu Andrew Lalhruaitluanga CJM & Secretary DLSA, Champhai, Pu Vanlalruata, CJM-cum-JMFC leh Pi Abigail Hmingthanpari Addl District & Sessions Judge Champhai ten  zirtirna an pe a ni.