4506/2025-2026

Saitual, the 17th February, 2026: Vawiin khan District Convergence Committee chu an chairperson leh district Bawrhsap ni bawk Pu Srinivas Sadi kaihhruainain DC Conference Room-ah an thu khawm a, kum 2026-2027 FY atana MGNREGS leh Sawrkar Scheme dangte atanga District Convergence Plan awm theite sawiho a ni.

Bawrhsap chuan kalkhawmte hnenah lawmthu sawiin line department ten plan an siamte chu a tak chang thei ngei leh ṭangkai taka hman zui theih ni se a duh thu a sawi a, line department-te nena tha taka thawhho zel a duh thu leh a inhawn reng thu a sawi bawk. Line department hotute thawhrimna chu District, State leh ram tana hlawkna a ni dawn a ni, a ti.

He hunah hian Pu V. Laldinsanga, PD, DRDO pawhin thusawiin kum kaltaa convergence work thawhte leh hmalakna hrang hrang report a pe a, line department te chu Permissible Work-te hre chiang a Annual Action Plan mila proposal-te siam thin turin a chah a, Convergence Plan siam chungchangah thehnemngai taka thawk a, pheikhai rual taka chet la tlang turin a ngen bawk a ni.

Vawiin thutkhawmah hian Convergence Plan chu DRDO Office ah March ni 12 aia tlai lovah thehluh theuh ni se, chungte chu DRDO Office lamten a tul angin lo bawhzui se tiin an rel a ni.

Vawiin thutkhawmah ah hian Pu Srinivas Sadi, Deputy Commissioner, Pu V.Laldinsanga,PD, DRDO, Pu J. Lalhmahruaia, BDO, Phullen te bakah District Convergence Committee-te an tel a ni.