53/2024-2025 

Champhai, the 4th April, 2024: General Election to Lok Sabha, 2024 atana Champhai District chhunga Polling Personnel duty turte khawl hmanga thliar fela sem rual tum hnihna, 'Second Randomization of Polling Personnel' chu vawiin chawhnu dar 2:00 khan General Observer Dr. Nipun Vinayak hriatpuina hnuaiah District Election Officer Pu James Lalrinchhana kaihhruaiin NIC Conference Hall, Keifangtlang, Champhaiah neih a ni.

Second Randomization of Polling Personnel hmang hian First Randomisation-a Polling Official ni tura computer-in a thlan chhuahte chu Team hrang hrangah semrual an ni a; an duty-na tur hmun Champhai District-a Assembly Segment 3; 23-Champhai North AC, 24-Champhai South AC leh 25-East Tuipui AC ah theuh computer hmanga semrual an ni bawk.

Champhai District chhungah Polling Station 84 awmin, General Election to Lok Sabha, 2024 atan hian hmeichhe hlangin an vil tur Pink Polling Station 9 a awm dawn a. Pink Polling Station a duty turte chu a hranpaa randomization tih ngai lova manual selection tih a nih dawn avangin Randomization of Polling Personnel hi Champhai District chhunga Polling Station 75 atan neih a ni a; vawiina polling party second randomization tihte hi mipa hlang niin Presiding Officer (PRO) 98, Asst. Presiding Officer (APRO) 98 leh Polling Officer (PO) 197 te an ni.

Second Randomization of Polling Personnel neih zawh hnu hian General Observer Dr. Vipun Vinayak chuan EVM/VVPAT dahna strong room-te, vote chhiarna tura ruahman counting hall bakah inthlan duty turte thlahna hmun leh inthlan zofel lo hawte dawnsawnna tur hmunte tlawhin a enfiah nghal bawk.