Vawiin khan Champhai DC Conference Hall-ah kan hmalawka Lok Sabha inthlan neih tur atana senso turte man zat Election Officer Pu Alan Lalthanzara hova bithliah a ni.

Pu Alan Lalthanzara chuan inthlanna dik leh felfai nei turin inthlan kaihhnawih senso te ziaha vawn zel angaih thu a sawi a. Party emaw Candidate te  Expenditure Account atangin chhinchhiah zel ani dawn a ni a ti a. Political party aiawh he hun rawn telpuitu te hnenah lawmthu a sawi a, Lok Sabha inthlan tluang leh felfai tak neih theihna tura tawiawm turin a sawm nghal bawk.

Vawiin Meeting-ah hian ECI duhdanin inthlan kaihhnawih a thil hman leh chhawr tangkai hrang hrangte man zat rate bithliah,  nikum General Assembly Election neih zawh tak a mite ennawn leh niin,  siamthat ngaite siamthat anih hnuah hman theih tura pawm a ni.