Vawiin khan Parkkawn Clinic, Venglai Kolasib ah District Bawrhsap Pu Zoengsanga’n Zeng hri  venna beihpui thlakna a hawng.

Khuallian chuan Hospitala Doctor te leh Sub Centre a thawkte thawh rim rah a tak in hmuh tur a awm a, record a alan dan in tehna chi hrang hrang ah hian Kolasib District hi kan sang hle a Zeng hri ‘Polio’ hi Mizoram tan chuan hmanlai natna ang in a ngaih theih a, hei hi kan Health Worker, ASHA leh Anganwadi Worker ten thahnemngai taka a sur a sa hnuai pawh sawi lova Sub Center ah leh in lamah ah te kal chhuakin zeng hri dan na an pekna a vang a ni ati. Nu leh pa ten hnial lova an pek thin vang ani ti bawkin Khawtlang tanrualna rah a tak in kan hmuh a, a lawmawm hle ani ati. 

India ramah phei chuan zeng hri hnuhnungber chu West Bengal, Howrah ah 2011 khan hmuh chhuah ani a, chumi hnu kumthum a chuan case a awm tawh lo hnuh a chauh, March ni 27, 2014 khan zeng hri awm tawh loh na ramah puam kan ni ta a ni. Hemi kan sawi rual hian enga tinge zeng hri danna min lak tir kan tih mai thei, a chhan chu kan ram thenawm Pakistan leh Afghanistan te Bangladesh ah te pawh a la bo velo avangin,  keinin heng mite atang pawh hian kan la kai chhawng thei a, tunlai khawvel changkang ah zin veihvahna a awlsam a, kan inthlawh pawh zung zung tawh si a, chung mite atang chuan kan la kai chhawng thei ani tih hriat anih avangin vawiin ah hian zeng hri danna hi kan la inpe chhunzwm a ni a ti.

Zeng hri danna beipui hi kumtin a rual in 1995 atang khan kumkhatah vawi hnih a rualin India ram pumah hman thin a ni a, Mahse kumin ah chuan tumkhat chauh kan neih dawn a ni. Kolasib District chhungah hian naupang 8961 thleng clinic pek tum an ni a, khaw hrang hrangah bur 102 leh kal harsatna hmun 9 ah te motor veivah lohna khuaah te vawiin hian zeng hri danna hi pek tum a ni. Hri danna chungchanga zawh fiah duh tan  Sub Centre ah leh Dr. R.K. Lalthlamuana, SMO Office ah zawhfiah theih a ni .

Dr. Lalhlimpuia CMO in he hun hi khaihhruaiin Khuallian hian zeng hri danna naupangte hnen ah pe nghal a ni.