Vawiin khan Dr. F.Lallianhlira, Principal Director, Health & Family Welfare Department ho-in Mizoram puma naupang Kum 5 hnuailam zawng zawngte tana Zenghri Venna Vaccine pek runpui chu tan a ni. 

State Immunization Officer, Dr. Lalzawmi chuan fate hriselna ngai pawimawh a, an lo thanlen zelna kawngah vaccine lak hi nu leh pa te mawhphurhna a ni a, he hun tha hi naupang kum 5 hnuailam nei zawng zawng ten chhawr tangkai vek tur leh vaccine hi la theuh tura a duh thu a sawi a. 

Vaccine hi a bul tan nan Principal Director, Health Director, Mission Director (NHM) leh Programme Officer dangten an pe bawk a ni.

He hun hi District zawng zawngah hman niin, naupang kum 5 hnuailam mi 113000 bawr vel zet te chu Zenghri danna hi pek kim vek tum  a ni a, a pekna Polio Booth pawh hmun 1373 siam a ni.