2189/2026-2027

Dated Champhai the 11th September, 2026: Vawiin khan GNM School, Champhai-ah Mizoram State Anti-Tobacco Day 2026 chu "Towards Tobacco Free Home" tih thupui hmangin hlawhtling taka hman a ni.  

He hun hi Deputy Chief Medical Officer Dr. Lalramhluna chuan kaihruaiin, chhungkua leh khawtlang a meizial leh vaihlo laka fihlim tura ṭan lak a pawimawh thu a sawi a. Pu Zosangzela, DC/DTCC chuan thupui thlan hmanga thusawina neiin, mahni in chhung a meizuk leh e-cigarette (Vape) zuk hi hriselna atan a hlauhawm hle a, meizuk khu (Secondhand Smoke) leh a hnuhma, in chhung a bet zui thin (Thirdhand Smoke) te hian tûr hlauhawm tak cancer hial thlentu a pai a, a bik takin naupangteah thawk lama harsatna, asthma leh beng na a thlen thei a, nu naupai leh naute la piang mai tur te tan pawh vanduaina thlen theitu a nih bakah kan ranvulhte thlengin an tuar thei a, tukverh hawnga zuk emaw room hrana zuk hian boruak ṭhalo lakah kan fihlim phah chuang lo a, in chhunga zuk loh hi chhungkua, boruak ṭhalo laka himna awmchhun a nih thu a sawi a ni.

He hunah hian Pu Lalnunmawia, ATS Member pawhin thu sawiin, Pu Lalthamawia Bolchhim, ATS Member-in lawmthu sawina in hun a khar a ni.