722/2026-2027

Champhai dated 26th May, 2026: Vawiin chawhma dar 11.00 khan Mizoram Biodiversity Board leh Nature Learning Centre-Mizoram te chuan biodiversity conservation awareness campaign chu CF Auditorium, EFCC Complex, Champhaiah hlawhtling takin an hmang.

He awareness campaign hi International Day of Biodiversity thupui ‘Acting locally for global impact’ tih hmanga neih a ni a. Champhai khawchhunga line department hotute, khaw hrang hrang Biodiversity Management Committee (BMC) member te, environmental NGO leh school naupang ten an hmang a ni.

He programme hi Pi Lalrammawii, Honorary Wildlife Warden, Champhai District chuan Khuallian niin a hman pui a. Khuallian chuan Mizoram chu Pathianin ramngaw leh nungcha chi tinrengin mal a sawm ram a ni a, heng kan nature mawina te hian khualzin tam tak ramchhung leh pawn atangin a hip mek a. Khualzinte hmuh chak ber kan ram mawinate,kan ramngaw leh nungcha te humhalh turin keimahni zawn theuhah theih tawp kan chhuah a pawimawh thu a tarlang a. A bik takin Champhai leh a chhehvel mawina chuan nature based tourism-lamah hmasawnna nasa tak a hmu mek a. Mipui ten kan chhehvel mawinate humhalh turin theih tawp a tan kan lak a apwimawh thu a tarlang a ni.

Pu Amit Kumar Bal,Research Scholar,MZU chuan presentation hmangin Murlen National Park leh a chhehvel khuate nena an thawh ho dante, nature conservation atana mipuite nena thawhho a pawimawhzia ngaihnawm takin a sawi bawk. He awareness programme ni Pu Lalbiakchama Chawngthu DFO Champhai, Member Secretary, Nature Learning Centre chuan a kaihhruai a ni.

Awareness campaign programme zawh hian Pi Lalrammawi,Honorary Wildlfie Warden chuan Champhai Forest Division staff te’n ramsa rep dan lo a zawrh an man khawmte hal ralna leh thingphun programme hlawhtling tak Champhai Nagar Van chhungah an hmang bawk a ni.