4301/2025-2026

Champhai, dated 5th February 2026: Champhaiah February ni 9, 2026 hian district thenkhat rualin chhiatrupna thlen thulha chetlak dan tur inzirna, mock drill neih tum a ni a, vawiin khan hman dan tur relin Champhai District Disaster Management Authority (DDMA) Addl. DC Pu James Lalnithanga kaihhruaina hnuaiah an thukhawm.

Mock drill hi hmun paliah neih tur a ni a, CHANEM Building, Champhai District Hospital, District Education Office leh Champhai Vengsangah neih a ni ang. Siren hi chawhma dar 10:30-ah a ri ang a, District Emergency Operation Centre (DEOC) chu Circuit House-ah an thukhawm nghal ang a, heta tang hian team hrang hrang chhiatna hmunah Responsible Officer, Champhai Bawrhsap Pu Mohammad Aaquib kaihhruainain tirh an ni ang. Hmun tin atan chanvo hrang hrang - Incident Commander, Dy. Incident Commander, Staging Area Manager, Observer, Logistics Officer etc. ruat an ni a, team hrang hrangin chhanchhuahna hna leh hliam tuar enkawl hna te an thawk dawn a ni. State Disaster Management Authority (SDMA) atangin Chief Observer a lo kal ang a, mock drill pumpui a endik ang. Mock drill zawh hian chawhnu dar 2-ah debriefing neih a ni bawk ang.