4302/2025-2026

Saitual, the 5th February, 2026: Vawiin khan DC Conference Room, Saitualah Pu Srinivas Sadi, District Level Committee on Fire Prevention Chairperson, District Bawrhsap ni bawk kaihruainain Saituala District Level Committee on Fire Prevention chuan Fire Prevention Week 2026 hman dan tur an rel.

He hunah hian DLCFP Chairman Pu Srinivas Sadi chuan kalkhawmte hnenah lawmthu sawiin Saitual mipuite chu kawng tin rengah thawhho puiah a sawm a, kangmei a chhuahloh nan sawrkar Department hrang hrangte leh NGO te chu theihtawp chhuah turin a ngen bawk.

Vawiin thutkhawmah hian kum 2025-a kangmei venhim kawnga hma lakna te thlirlet a ni a, State Level Sub-Committee on Fire Prevention-in district tina Fire Prevention Week 2026 hmang tura a lo rel tawh angin Saitual District-ah pawh hman dan tur rel nghal a ni. Saitual District-a Fire Prevention Week 2026 hawnna chu February ni 9, 2026 (Thawhtanni), chawhma dar 11:00 ah DC Conference hall-ah hman rel a ni a, DLCFP Chairman, he hunah hian District Bawrhsap ni bawk Srinivas Sadi chu khuallian a ni ang. Pu Pu Andrew Lalthlamuana, ACF, DLCFP Member Secretary,Aizawl chuan hun kaihruaiin, report kimchang a pe nghal ang a, hunserh hmang turin Pu Lalremmawia Sailo, President, MUP, Saitual District chu ruat niin thusawi tawi hi khuallian bakah Saitual District VCP leh President, YMA Sub-Hqtrs hnen atangin ngaihthlak a ni bawk ang.

Fire Prevention Week 2026 hi February ni 9 atanga ni 13 thleng neih tura ruahman a ni a, kumin thupui atan "Nungchate chenna leh tui thianghlim min petu ramngaw, Kangmei lakah venghim rawh" tih thlan niin, kangmei venhim kawnga hma la tha ber district leh khua chu lawmman pek an ni dawn a ni. Kangmei venhim pawimawhna mipuiten an hriat theih nan DEO kaihhruainain school naupangte tan painting competition a awm ang a, Tin, Saitual District mipui a duh apiang tan video(reels) insiamsiak buatsaih a ni bawk ang.

Vawiin thutkhawmah hian Pu Srinivas Sadi, DLFCP Chairman, Pu Andrew Lalthlamuana, ACF, DLCFP Member Secy, Aizawl leh Saitual District Level Committee on Fire Prevention member te an tel a ni.