Vawiin khan International Disaster Reduction pualin DM&R Diectorate leh Champhai District Organiser (DM&R) tangkawpin ruahmanna a lo siam tawh bawhzuiin Chhiatrupna thleng thuta chet lak dan tur (Mock Exercise on Earthquake) chu hlawhtling taka neih a ni a. He mock drill hi UNISDR- International Disaster Reduction-2017 kalpuina a buatsaih a ni.
Mock Drill hi Champhai khawpui chhunga thlan bik hmun pahnih Champhai Bazar (Market) leh Venglai Government Comprehensive Middle School-ah te neih niin chhiatrupna thlen thut pawha chhanchhuahna hnathawh dan a taka chan a ni a. Mock Drill neih zawhah hian I&PR Conference Hall-ah Champhai DC mawhphurhna la mektu Pi Zosangzuali Pachuau hovin thlirletna hun neih a ni a. He hunah hoian Department hrang hrangte mawhphurhna hlenchhuah dan thlir letna neih a ni. Department hrang hrangte chu an thawk tha a, chutih rualin hmasawn leh insiamthat ngai a awm thu tarlan a ni bawk. Champhai DC chuan Department hrang hrangte chu an mawhphurhna hlena theihtawp chhuah zel turin a chah a ni.
He hun hmanpui tur hian Aizawl DM&R Directorate atangin District Organiser Pu Zothansanga Hmar leh State Disaster Management Authority ( SDMA) atangin Pu K.Zohunsanga, Khawzawl SDRF, Adventure Club te an tel a ni.
