Vawiin chawhnu khan Sports Minister leh Mizoram State Sports Council (MSSC) President ni bawk Pu Zodintluanga hovin a pisa-ah Mizoram State Sports Council Executive Committee an thukhawm. 

Minister Pu Zodintluanga chuan Executive Committee member tharte lawmna thu a sawi a. Agenda hrang hrang  MSSC Secretary Pu C. Laltlanthanga’n a chhawp chhuak a. Meeting-ah chuan kum 2005-a din tawh Mizoram State Sports Council (MSSC) hnuaia Departmental Purchase and Disposal Committee chu siam fel ni se tiin rel a ni a. MSSC Executive Committee din, Land Protection Committee member thar ruat an ni a. Member tharte hi Executive Committee atanga ruat an ni. MSSC hnuaia Selection Committee chungchang rel niin Selection Committee hi hna lak leh ban buaipui tura din a ni a. Committee hi a thar siam ni se tiin rel a ni. Meeting chuan Indigenous Games Association ten recognition MSSC hnena an dil chu a pawm a. MSSC General Body meeting-a ennawn leh turin a rel a. MSSC enkawl R.Dengthuama Hall hman man chungchang sawiho a ni bawk. 

MSSC hi kum 1976-a din a ni a. MSSC hnuaiah hian State Level Sports Association 32 awmin District Sports Committee 8 an awm mek a ni. 

Meeting-ah hian MSSC Executive Committee Member-te an tel kim hle a ni.

Attachment

  • Loading attachment...