No.4969/2020-2021

Dated Champhai, the 11th September 2020: Tunkar September Ni 7-10, 2020 chhung khan Legal Metrology Enforcement Staff leh Consumer Union, Champhaite chuan Champhai khawpui chhunga Motor Parts zuar dawr hrang hrangte an endika, dawr 17 atangin an bungrua a MRP thaichhiat leh MRP aia to a hralhte manchhuah a ni.

Dan bawhchhiate hian Legal Metrology (Package Commodities) Rules 2011 an palzut avangin an dawr bungruate hi man sak an nih bakah dawr neitute hi Legal Metrology Office-ah koh an ni a, dan anga an chungah hremna lek a ni. Legal Metrology dept leh Consumer Union te hian endikna an neih hma hian dawrkaite hnenah an bungrua te Maximum Retail Price aia to a hralh lo tura hriattirna an lo pe tawh a ni.

Legal Metrology Enforcement leh Consumer Union, Champhaite chuan mipuite chu thil an lei dawn apianga MRP en nachang hre tur leh a theih chin china Cash Memo dil zel turin an chah a. Sumdawng dan bawhchhia an awm chuan Legal Metrology Office, Champhai Vengsangah hriattir zel turin mipui an chah bawk. Consumer-te dikna chanvo humhalh chungchangah theihtawp an chhuah zel tur thu Legal Metrology leh Consumer Union-te hian tarlang a ni.