2502/2026-2027

Dated Champhai, the 4th October, 2026 : Nimin khan National Innovation Foundation bultumin Chhungte khuaah Innovation Yatra 2026 neih a ni a. He hunah hian NIF Guwahati Cell for Northeast region atangin Dr. Rajiv Mili, Er. Dipjioty Choudhury leh Pu Kitapungbe Pame te leh NIF Mizoram Centre atangin Pu R. Lalbiakzuala te an tel a ni.

He programme hi Chhungte VCP Pu C. Ralthanga chuan a kaihruai a,

NIF team leader Dr Rajiv Mili-a chuan inlawmna thu leh NIF nihphung a sawi a, Pu R. Lalbiakzuala chuan NIF hmalakna leh hmasawnna turte sawiin, NIF hnuaia thil siamchhuah chhinchhiah (document) tawhte a taka entirin a sawifiah nghal a ni.

Champhai-a khawl chi hrang hrang siam (innovation) lama sulsuttu, Pu Zoramchhana, Chhungte khua chuan a thil siam chhuah, ‘Automatic Water Pump Machine Controller’ leh ‘Tea leaf Processing machine’ te sawifiahin a takin an hnathawh dan a entir a, thil siam chhuah Patent file dan a sawi bawk a ni. Pu C. Laltlanliana, Mualkawi khua chuan Ramhmul damdawi leh a hmanna a sawi bawk.

He programme-ah hian Pu F. Lalmalsawma, DAO, Champhai te,

Pu Ramnundanga, President, Innovation Council, Govt.Champhai College te, Pu B. Malsawmtluanga, Asst. Professor, Govt. Champhai College te, Pu C.Vanlalhmuaka, Proprietor, LCN Cable Network te an tel a ni.