3510/2023-2024

Champhai, the 25th January, 2024: Kum 2011 atanga kum tina hman thin, Election Commission of India (ECI) din champhaphak lawmna, National Voters’ Day (NVD) tum 14-na chu vawiin chawhma khan 'Nothing like voting, I vote for sure' tih thupui hmangin I&PR Auditorium, CHANEM Building-ah neih a ni. He hun hi Bawrhsap leh District Election Officer (DEO) ni bawk Pu James Lalrinchhana chuan a hmanpui a, BLO thawk tha chawimawina neih niin, Essay Writing leh Painting Competition a ti tha te hnenah lawman sem a ni.

14th National Voters’ Day hmanna inkhawm Pu M. Misael, Addl DC & Dy DEO kaihhruaiah District Election Officer Pu James Lalrinchhana chuan thu sawiin electoral roll-a hming ziahluh leh vote thlak hi India khua leh tui te dikna chanvo hlu berte zing ami ani tiin he kan mawhphurhna pawimawh tak hi mitinten kan ngaih hlut thiam a tul a ni, a ti a. Kan ram kalphung siam danglam thei tu chu mimal tin te vote in belh khawm hi a ni tiin, District mipuite chu election ngai pawimawha vote nei thei chin ten electoral roll ah inziaklut a, inthlanah vote thlak theuh turin a chah a. Kan ram thenawm maiah te pawh vote thlak ve theilo, democracy suala inbei mek te pawh an awm laia kan ramah zalen taka vote kan thlak thei te hi kan vanneih zia kan hriat thar leh fo thin a tul a ni, a ti a. Election kaihhnawih hmalakna hrang hrang a bik takin electoral roll dik leh felfai kan neih theihna tura hmalakna ah te BLO, NGO-te, media-te leh khawtlang hruaitute thahnemngaihna a fakawm tak zet a ni tiin Champhai DC & DEO Pu James Lalrinchhana hian thawhho zel puiah a sawm bawk.

He hunah hian 14th National Voters Day pualin thutiam sawihona hun hman a ni a. Pu Moses Lalfakzuala Tlau in a kaihruai a, he thutiam hi an sawiho a ni - “Keini India khua leh tuite, mipui sawrkar a rinna nghat tlatte chuan mipui rorelna kalphung dik chawinung zel tur leh inthlanna felfai leh muanawm neih a nih theih nan inthlanna apiangah khua leh tui kan nih anga kan tih tur min dal thei chi reng reng sakhua emaw, chi leh kuang emaw, tawng hrang emaw avanga tihluihna leh thlemna engpawh hnawl a, huaisen taka vote turin kan intiam e.”

Dr Vanlalnunpuii Ralte, SDC chuan 14th National Voters’ Day puala Chief Election Commissioner, ECI Pu Rajiv Kumar thuchah a chhiar chhuak a, election kaihhnawih Quiz leh Special Items te neiin hun hlawk thlak tak hman ho a ni.

Champhai District a Assembly Constituency pathuma BLO thawk tha thlanchhuah te chu hengte hi an ni:

Best BLO te hian pawisa fai cheng 3000 leh Citation an dawng a ni.

14th National Voters Day puala Essay Writing leh Painting Competition lawman dawng te chu:

ESSAY

 HIGHER SECONDARY - 

1st - Vanlalchhanchhuaha, XI GM HSS 

2nd - Remruatfela, XII GM HSS 

3rd - Lalremruati, XII Science GM HSS 

HIGH SCHOOL - 

1st - Lalnunthari Sailo, X GM HS 

2nd - Mary Chingngaihzeli , X Holy Cross School 

3rd - B Vanlalpeksanga, X GM HS

PAINTING 

HIGHER SECONDARY- 

1st - Benjamin Lalrinawma class XII SCI, GM HSS

2nd – Laltlanhlua, Einstein HSS

3rd - Laldingngheta Einstein HSS

HIGH SCHOOL - 

1st - Malsawmsangi IX, BC Lalthlamuana English Academy 

2nd - Cicily Lalchhandami GM HS 

3rd - Lalremruati IX BC Lalthlamuana English Academy

14th National Voters Day pual hian Champhai District a sawrkar pisa zawng zawngah thawktuten National Voters Day thutiam an sawiho bawk a ni.