Vawiin khan Champhai DC Pisa-ah Pu Lalthangpuia Sailo, IAS, Commissioner & Secretary, AH&Vety, DM&R leh Champhai District Electoral Roll Observer ni bawk hovin Special Summary of Photo Electoral Roll 2020 chungchang sawihona leh inrawnkhawmna hun neih a ni.

Pu Lalthangpuia Sailo chuan electoral roll ennawn leh siamthat hna chu kum tina kalpui thin anih thu sawiin, Election Commission of India in a ngaipawimawhin a duhtui hle a ni, a ti a. Kalkhawmte chu Draft roll tlangzarh takte uluk taka lo zirchiang tur leh a pawr leh felhlel a awm anih pawhin lo enfiah a, Election lama thawktute hnena thlen thin turin a chah a. Observer chuan Political party aiawh, NGO, BLO, AERO leh ERO te inkarah thawhhona tha a awm a pawimawh thu a sawi a. Thu thlen duh nei leh siam that duh nei leh roll a luh tumte chu hun hawn chhunga buaipui thin tura chahin, Electoral roll felfai nei tur chuan a hnawk tam tak thena siam that ngaite thlenga khawih angai a ni, a ti bawk. Sawi duh emaw, thlen duh leh rawtna neite chuan thuneitute hnenah tlang taka thlen turin a chah a, harsatna leh mamawh an neihah te Election lama thawktute'n puih an inhuam reng thu a sawi a. Hunpui chhoh lai anih avangin hun hawn chhung December Ni 16,2019 atanga January Ni 15, 2020 thlengin Roll siam that leh luh tumte tan chuan a theih leh remchan ang zela hmalak vat vat a tul thu a sawi bawk.

Champhai District Election Officer Pu S.L Naveen, IAS chuan Champhai, Kolasib leh Aizawl District te tana Electoral Roll Observer tura ruatin Champhai a rawn tlawh chungchangah lawmthu a sawi a. Hun hlu tak senga lokal Election thawktute leh Political party aiawh kalkhawmte chungah lawmthu a sawi bawk.

He hunah hian Pu Lalnunfela Chawngthu, Election Officer, Champhai District chuan Special Summary Electoral Roll kalpui meka hriat tur pawimawh leh hmabak awmte sawifiahna a nei a. Electoral roll thuahfaina programme Electors Verification Programme (EVP), September leh October thla chhunga kalpuiah undivided Champhai district chu Mizorama district ti tha ber anih thu a sawi a. Electoral Roll felfai tak neih anih theihna turin hun bituk chhungin documents dik tak nena hmalak vat vat angaih thu a sawi bawk.

He hunah hian Electors Verification Programme (EVP) neih zawh taka Booth Level Officer titha thlanchhuahte hnenah Pu Lalthangpuia Sailo chuan lawmman Citation leh pawisafai a hlan a. Pakhatna chu Pu Zokhuma, Teacher, Govt Tlangsam M/S (24/8-Electric Veng under 24-Champhai South (ST) A/C) niin Citation leh Rs 10,000/- a dawng a. Pahnihna hi mi pahnih awmin; Pu H.Lawmthanga, Teacher, Khawzawl H/S ( 22/7- Khawzawl - V, Vengthar South under 22-Tuichang (ST) A/C) leh Pi V.L Rochhari, Headmaster, Vengthlang M/S (23/30- Vengthlang North under 23-Champhai North (ST) A/C) te niin Citation leh Rs 7,000/- an dawng a. Pathumna lawmman dawngtu hi mi pathum awmin; Pu C.Lalchuailova, Headmaster, Khuangphah P/S ( 23/3- Khuangphah under 23-Champhai North (ST) A/C), Pu Malsawmdawngzela, Teacher, Pawlrang H/S ( 21/13-Pawlrang under 21-Lengteng (ST) A/C) leh Pu Lalnuntluanga, Teacher, Lurhtlang H/S ( 25/27-Khankawn under 25-East Tuipui (ST) A/C) te niin Citation leh pawisafai Rs 5,000 theuh an dawng a ni.

Roll-a la awm ve lote tan January Ni 1, 2020 qualifying date a hmanga inziahluh theih a ni a. Heng bakah hian Roll atanga paih emaw, siam that emaw tih theih a ni a. Ruahman dan chuan Special Summary Revision of Photo E/Rolls 2020 hnuaiah December Ni 16, 2019 atanga January Ni 15, 2020 chhungin roll a luh dilna, siam that, thuthlen duh leh sawi duh neite tan hun hawn a ni a. Chung thu thlente chu January Ni 27, 2020 hmain tihfel vek hman tur a ni a. February Ni 4, 2020 thlengin Database te siam that niin supplement te chhhutchhuah vek hman tum a ni a. Electoral Roll siam that leh a thar ber Final Publication of Electoral Roll chu February Ni 7, 2020 ah neih tur a ni ang.