Vawiin khan Champhai DC Conference Hall-ah Pu Lalthangpuia Sailo, IAS, Commissioner & Secretary, AH & Vety, DM&R  leh Champhai District Electoral Roll Observer ni bawk hovin Special Summary of Photo Electoral Roll 2020  kalpui mek a hmalak dante thlirho a ni.

Meeting tarlan dan chuan Special Summary of Photo Electoral Roll 2020 kaltlangin  vawiin thleng hian Vote nei thar tura diltu mi 3022 an awm a, heng zinga 2600 te dilna chu pawm sak a ni a, a bak 422 te dilna chu hnawl a ni.  Assembly Constituency pakhat atanga hmun danga insawn dil 60 awm zinga 54 te dilna pawm niin, 6 dang chu tihfel rih loh a ni. Electoral Roll atanga paih dilna 289 zinga 283 te pawm niin, a dang 6 te chu hnawl a ni a. Siam that diltu 299 atanga 283 te siam that sak niin, diltu dang 15 te erawh hnawl an ni. Assembly Constituency huamchhunga mahni awm mekna Polling Station thlak diltu 38 te dilna chu pawm sak vek an ni. Nikum February Ni 16, 2019 a Draft Electoral Roll 2019 tlangzarh takah khan Undivided Champhai District pumpuiah Voter 85363 an awm a, Special Summary of Photo Electoral Roll 2020 kalpui mekah  Undivided Champhai District chhunga  Voter  punna vawiin thlenga chhinchhiah  chu  2371 niin, a punna hi za zela 2.8 a ni.

Electoral Roll-a la awm ve lote tan January Ni 1, 2020 qualifying date a hmanga  inziahluh theihna, roll atanga paih emaw, siam that emaw tih theihna ‘Special Summary of Photo Electoral Roll 2020’  kaltlang hian  December Ni 16, 2019 atanga January Ni 15, 2020 chhung khan  roll-a luh dilna, siam that, paih, thuthlen duh leh sawi duh neite tan hun hawn a  lo ni tawh a, heng dilna leh thu thlen zawng zawngte hi  January Ni 27, 2020 thleng hian chinfel  vek tum a ni a.  February Ni 4, 2020 thlengin database-te siam thata  supplement-te chhutchhuah hman tum niin, Electoral Roll siam that leh a thar ber Final Publication of Electoral Roll chu February Ni 7, 2020 ah hian neih  tum a ni. 

He hunah hian Pu SL Naveen, IAS, District Election Officer (DEO) Champhai, District Election Official dangte leh Election Staff-te an tel a ni.  

Attachment

  • Loading attachment...