4971/2025-2026

Champhai, dated 24th March 2026: Vawiin khan Champhai Press Club-ah Press Information Bureau (PIB), Aizawl bultumin "One Day Media Workshop "VARTA" on Viksit Bharat - Guarantee for Rozgar and Ajeevika Mission (Gramin) and National AIDS & STD Control Programme" tih buatsaih a ni a, Champhai Bawrhsap Pu Mohammad Aaquib chu khuallian niin Mizoram Journalists Association (MJA) Champhai President Pu Lalhlupuia chu khual zahawm a ni a, MJA Khawzawl President Pu Lalrotluanga Ralte chu special guest a ni bawk a ni.

Khuallian Pu Mohammad Aaquib chuan he hun PIB in a buatsaih thei hi lawmawm a tih thu a sawi a, an zirtir tur pawh thil pawimawh tak niin ni 100 inhlawh danglam dan tur leh HIV/AIDS hlauhawm zia leh buaipui dan tur hi mipuiin an hriat ngei a tul thu a sawi a, chanchinbu mite'n mipuiin an hriat ngei theih nan theihtawp chhuah turin a chah a ni.

He hun hi PIB Head of Office Dr. Rajeev Lourembam chuan a kaihruai a, khual zahawm Pu Lalhlupuia leh Pu Lalrotluanga Ralte te'n thu an sawi bawk a ni. G RAM G Act 2025 chungchang DRDO atangin APO Pu Lalengkima'n a sawi a, MGNREGA nena a inan lohna te leh a danglam dan tur hrang hrang, mipui tana hmasawnna awm tur te a sawi a. National AIDS & STD Control Programme chungchang District AIDS Prevention & Control Unit atangin District Programme Manager Pu Lalthlamuana Ralte chuan sawiin HIV leh AIDS awmzia te, inkai chhawn theih dan leh kawng hrang hranga inkai chhawng zat te, Mizoram leh Champhai kai awm zat te leh hriat tur tul hrang hrang a sawi. Resource person te'n thu an sawi zawh hian zawhna leh chhanna hun hlawkthlak tak hman a ni bawk.