3173/2024-2025
Champhai, 25th November, 2024: Sawrkar laipuiin Tribal-te hamthatna tura a duan – PM DAJGUA Scheme thehdarhna leh tihlarna (Information, Education & Communication) Campaign kal zelah vawiin khan Champhai District-a Higher Secondary School zirlaite tan Essay inziahsiak buatsaih a ni.
Essay inziahsiak hi Education Training Hall, Kahrawt Vengah neih a ni a. He hunah hian Champhai khawpui chhunga Higher Secondary School pathum atangin zirlai 15 an tel a, intihsiakna thupuiah hian ‘Tribal nunphung leh hmasawnna tur’ tih hman a ni.
Intihsiakah hian lawmman pathumna thleng siam a ni a, pakhatnain pawisa fai cheng 3000, pahnihnain cheng 2000 leh pathumnain cheng 1000 an dawng dawn a ni. Naktuk (November ni 26) hian Govt. GM Higher Secondary School-ah PM DAJGUA IEC Campaign kharna hun hi neih a ni dawn a, he hunah hian Essay inziahsiak leh Drawing Competition lawmman sem a ni ang a, Sub Headquarters YMA ten Hnam Lam an entir bawk ang.
