3172/2024-2025

Dated Hnahthial, the 25th November, 2024: Vawiin khan Hnahthial DC Meeting Hall-ah Election Officer, Pi Esther Leihang kaihhruaiin Hnahthial District chhunga Village Level Officer (VLO) hrang hrangte hnenah nakkum Village Council inthlanna neih tur atana electoral roll kaihhnawih training buatsaih a ni.

Election Officer chuan VLO kalkhawmte hnenah thu sawiin Village Council ding lai term chu nakkum February ni 19 hian a tawp dawn tak avangin chumi thlaa inthlanna kalpui thei tura lo inrin lawk a tul thu a sawi a. Inthlanna mumal leh tluang taka kalpui anih theih nan Electoral roll felfai tak neih a tul thu sawiin e-roll a mi thun leh paih chu uluk taka kalpui theuh turin a chah a. Mi khawngaih vang leh thil dang vanga Mizo ni lo, hnam dang e-roll a lo thun ngawt chu ka ram leh hnam tan hun kal zelah thil pawi tak anih theih avangin kan hnam humhalhna hna pawimawh tak thawktu an ni tih hre theuh chungin VLO kalkhawmte hnenah e-roll chu fimkur taka buaipui theuh tura a duh thu a sawi a. Hei bakah hian tun kum 2024 hian MLA roll leh VC roll te a ruala khawih kawp nghal anih dawn avangin training tura kalkhawmte chu tum dang aia fimkum lehzual turin a chah nghal bawk a ni.

Training-na ah hian Electoral roll a mi thun theih leh theih loh chin (Disqualification and Qualification) te zirhona neih niin e-roll a inthun emaw inpaih tura document pawimawh ngaite en hona neih a ni a. Nakkum Village Council inthlanna neih turah hian Mizo khua leh tui dik tak 01.01.2007 a piang chinte chu enroll theih niin State Election Commission (SEC) thuchhuak angin kum 2022 ECI roll hi base roll atana hman tur a ni ang.

He training-na ah hian Form-3 (E-roll a lut thar thunna), Form-4 (E-roll atanga in paihna) leh Form-5 (E-Roll a correction siamna) te ngun lehzuala zirhonna neih a ni.

General election to Village Council atana Summary revision of electoral roll neih turah hian Electoral Registration Officer (ERO) atan Project Director, DRDO chu ruat niin Assistant Electoral Registration Officer (AERO) atan Block Development Officer (BDO), RD Dept. chu ruat a ni bawk a ni.