3171/2024-2025

AIZAWL; the 25^th November,2024: Vawiin chawhma dar 11:00 khan DC conference Hall-ah DCDC Chairman leh district bawrhsap ni bawk Er.Lalhriatpuia, IAS kaihhruaina hnuaiah District Cooperation Development Committee (DCDC), Aizawl District member ten meeting an nei.

Meeting khuhhawnna thu sawiin bawrhsap Pu Hriatpuia chuan Line department official kalkhawm te chu MPACS  hmanga  Azawl District chhunga kuthnathawktu te tan hmasawnna leh changkanna thlensak tum tur a chahin,  Aizawl district chu kawng engkima district dang te hmahruaitu leh kawng kawhhmutu tur an ni tih hre reng chung a, district dangte entawn tlak khawpa tha a  thawh  tum theuh turin  DCDC, Aizawl District member te chu a fuih bawk a ni.

Vawiin meeting-ah hian Primary Agricultural Credit Society (PACS) Computerize dan tur chungchang te, PACS Model Bye-law adoption chungchang te,Aizawl district hnuaia MPACS-Dairy/Fishery a din chungchang te, PACS in Pradhan Mantri Kisan  Samman Kendra (PMKSK) a hman tangkai dan chungchang te, National Cooperation Database-a updation kalpui dan tur chungchang te  chu ngunthluk taka rel niin, 1^st Joint Working Action Committee (JAC) meeting  thurel leh  a bawhzuina te pawh thlirho (Review) nghal a ni.