3170/2024-2025
Dated Kolasib the 25th November, 2024 : Krismas leh Kumthar vuakvet laiin halpuah leh halmawi hal avangin boruak tha lo tam tak a insiam bakah ri bengchheng siamin mihring hrisena a khawih pawi thei tih hriat a ni a. Hetianga boruak chhe lengel hian mipui leh kan ran vulh te tan hrileng tha lo tak a then theih avangin mipui leh kan ran vulhte hriselna venhim a nih theih nan khapna thupek chhuah a tul a.
Chuvangin, Kolasib District mipuite leh kan ran vulh te hriselna venhim a nih theih nan, Krismas leh Kumthar him leh thlamuang taka mipuiten kan hman theih nan Section 163 of BNSS, 2023 in thunehna a pek angin Robert C. Lalhmangaiha, District Magistrate, Kolasib District chuan a hnuaia tarlan ang hian 22.11.2025 November atanga hman tan turin thupek a chhuah:
1. Kolasib District huamchhungah Krismas 2024 leh Kumthar 2025 vuak vetah Halpuah, Halmawi, Sky Lantern leh puakthei thil dang, boruak thalo leh ri bengchheng siam thei chi reng reng lakluh, zawrh, hralh, hal leh hman khap tlat a ni.
2. Naupang silai lem a mu kap chhuak thei chi reng reng lakluh, zawrh leh hman khap tlat a ni.
He thupek zawm lo te chu Section 223 of BNS, 2023 hmangin hrem theih an ni ang.
He thupek hian puan a nih atanga thlahnih (2) chhung a huam ang.
