3588/2022-2023
Champhai, the 15th February, 2023: Vawiin chawhma dar 11 khan Champhai District Level Grievances Redressal and Monitoring Committee (DLGR&MC) under PM-KISAN chu an Chairman Pu James Lalrinchhana, District Bawrhsap hovin DC Conference Hall-ah an thu khawm.

He hunah hian nikum September thlaa District Level Grievances Redressal and Monitoring Committee under PM-KISAN thutkhawma thurel bawhzui dante sawiho a ni a. PM-KISAN Scheme hnuaia hamthatna dawng tur thlitfim leh enfiah tura ruat Line Department-te zirchianna chu pharha zirchian a ni a; beneficiary-te zirchian nawnna atanga thil hmuh chhuah re-verification report hi District Level Grievances Redressal and Monitoring Committee (DLGR&MC) under PM-KISAN chuan pawmpuiin, a tul anga hmalak a nih theih nan State Level Committee-ah thehluh ni se, an ti a ni.

District Agriculture Office, Champhai kaltlanga re-verification report siamin a tarlan danin, Champhai District chhung Block 2: Champhai leh Khawbung Block hnuaia khaw 56 a?angin PM-KISAN hnuaia inziaklut beneficiary 10,975 an awm tawh a. Heng zingah hian PM-KISAN inkaihhruaina anga felfai taka inziaklut beneficiary 6,656 an awm a, hei hi diltu inziaklut zawng zawng atanga za zela 60.65 (60.65%) a tling a. Diltu inziaklut zinga mi 4,319, inziaklut atanga za zela 39.35 (39.35%) chu PM-KISAN inkaihhruainain a phut angte zawm loh avangin paih tura rawtna siam a ni a. Chhan hrang hrang avanga dilna hnawl tura rawt zingah hian chhungkaw khat atanga mi pakhat aia tam inziaklut leh awm nawn mi 3,187; mahni khua atang ni lova inziaklut mi 351; Sawrkar hna thawk leh pensioner inziaklut mi 478; mitthi tawh 226; ram neilo 2 leh an chanchin chhui zui theih loh mi 75 te an awm a ni.

Sawrkar laipui ruahmannaa kuthnathawktute tanpuina PM-KISAN (Pradhan Mantri Kisan Samman Nidhi) hi kum 2019 a?ang khan Mizoramah kalpui a ni a. He scheme hnuaia inziaklut kuthnathawktu ram nei ngeite chu kum tin bank kal tlangin tanpuina Rs 6,000/- pek thin an ni.