3587/2022-2023
Mamit 15th February, 2023 : Vawiin khan DC Conference Hall, Mamit-ah NITI-BYJUs Career Plus Program hawnna leh Tablet semna Pu Lalnunhlua, Mamit District Bawrhsap chuan a nei.

Pu Lalnunhlua chuan Tablet an sem chu an bultanna nise, zirlaite theihtawpchhuaha an zirna atana hmang tangkai turin a chah a. Hmanraw tha nen rilru nei taka zir thin zirlaite chu an hlawhtlin ngei ngei thin thu sawiin Online zela thil tih a ngaih tawh avangin zirlaite tana hmanraw pawimawh tak ngaihtuahsaktu BYJUs te chungah lawmthu a sawi a. Lehkha zir chuan tawp chin a neih loh thu sawiin zirtirtu leh zirlai nu leh pate chu zirlaite tana theihtawpchhuah a, tanlakpui zel turin a ngen bawk a ni.

He hun kaihruaitu Pu Vanlalhmachhuana, SDO (S), Mamit chuan report pein Lawmnakim, Program Manager, Byju's-NITI Aayog chuan Coaching an pek thin dan tlangpui a lem nen entirin a tarlang a. Kalkhawmte atanga zawhna awmte a chhang nghal bawk.

He hunah hian Govt. Mamit High School atanga Class X pass chhuak, tuna Govt. Higher Secondary School, Mamit-a zirlai, Kum 2021 a BYJUs Test nei Qualify zirlai naupang 12 te hnenah Tablet hlan niin Tablet dawngtute hi Engineer leh Medical zir turte'n Exam an paltlang thin, Joint Entrance Test (JEE) leh National Eligibility cum Entrance Test (NEET) hmachhawn dan tur training Kum 2 chhung athlawnin pek an ni dawn bawk a ni.

He hunah hian khawtlang hruaitute, zirtirtute leh sawmbikte telin Pu Lalfakzuala, Addl. DC Mamit chuan lawmthu sawiin hun a khar a ni.