590/2026-2027

Dated Champhai, 19th May 2026: Power & Electricity Department, Govt. of Mizoram chuan vawiin khan PM SURYA GHAR : MUFT BIJLI YOJANA, Month of Solar chungchangah Awareness Campaign a buatsaih.

He hun hi Sub Headquarter YMA Zawlbuk, Tlangrawt Champhai hman niin Er. PC Lalrawnliana, SDO, Champhai Rural Power Sub Division chuan a kaihruai a, power a kan intodelh theihna turin sawrkar laipui chuan mahni phak tawka solar kan siamchhuah ve theihna tur atan Solar nasa takin a buaipui thu a sawi a, mimalin solar hmanga power an lo siamchhuah te sawrkar ah a hralh theihna tura hmalakna awm te a tarlang. He hunah hian Pu Zohmingsanga, Project Manager, BSP Electricals hnen atangin thusawi ngaihthlak a ni ve bawk.

Er. Lalremtluanga, EE, Power Project Division, Champhai chuan PMSG : MBY chungchang a lem nen entirin a sawifiah a, PM SURYA GHAR hi Power Department mai bakah Prime Minister Pu Modi-a ngei pawhin a ngaihpawimawh thu a sawi a, khulamah chuan nasa taka an lo kalpui tawh thu a tarlang. PM SURYA GHAR hi Solar hmanga Power lakna niin tunhma zawng aiin Subsidy a that fe zawk thu leh install man pawh a tlem tawh hle tih a sawi a, za zela 50 aia tam mah subsidy ah hian hmuh let theih a nih thu sawiin kum 2027 thleng chauh he Scheme hi kalpui a nih thu thu a sawi bawk.

Kum 2024 ah tlangzarh niin in nuaih 100 chunga bun tur ruahman a ni a, March ni 31, 2027 thleng kalpui a ni dawn a, he Scheme a subsidy hmu tur chuan mimal inah install a ngaih dan leh mimal in ni loah chuan subsidy a awm theih loh thu a sawi tarlang a, Solar thatna leh tangkaina hrang hrang a tarlang nghal.

Champhai ah mi 10 te chuan Power Department ah Solar rooftop hmanga an power dawn te an hralh tawh tih a sawi a, Champhai ah mi 35 te'n he Scheme hi an dil tawh tih tarlangin dil dan tur kalphung leh tih ngai leh tul te a tarlang nghal a, zawh duh neite tan Vendor BSP Electricals, Champhai Vengthlangah zawhchian theih reng a nih thu a sawi bawk. He Scheme hnuai atanga chhungkaw tam thei ang berin Rooftop Solar an hman theihna tura hmalak a nih dan leh a kalphung te chipchiar takin a tarlang a ni.

Awareness Campaign ah hian NGO hrang hrang aiawh bakah Joint VC Champhai North leh South leh Consumer Union atangin an kalkhawm a ni.