591/2026-2027

Lawngtlai, 19th May 2026: Vawiin khan Cooperation Department, Lai Autonomous District Council (LADC) bultumin Southern Cooperators Meet Vawi - 1 na chu LADC Hall-Council Veng, Lawngtlaiah neih a ni a. Pu C. Lalsawmzuala, Chief Executive Member (CEM) LADC chuan khuallian niin a hmanpui. 

Pu C. Lalsawmzuala chuan chhimbial atanga Cooperators kalkhawmte chunga lawmthu sawina a nei a.Society-  hlawhtlinna tur chuan rinawmna, taimakna, dawhtheihna leh terei peihna nen beih a ngai ni, a ti a. Mahni hlawhtlinnaah duhtawk mai tur a ni lo a, midangte pawh an hlawhtling ve tur ani tih rilru pu a, midangte tan malsawmna ni a, theihtawp chhuaha  tanrual chu thil pawimawh leh tihmakmawh tak a nih thu a sawi. Cooperative Society chak tak neih a pawimawh thu sawiin, Cooperative movement-  hian ram  economy -  a tih chak a, hna hrang hrang siamin, ram hmasawnna atan thil  pawimawh tak a ni, a ti. 

Khuallian chuan Cooperative Society hian Mi mal chak lo zawkte a tanpui a, Loan leh tanpuina sum pawh  awlsam taka dawn theih a nih bawk avangin sum leh pai harsatna  sutkian sakin eizawnna ngelnghet a siam sak thin a, hemi a nih avang hian Society chak tak neih a pawimawh hle a ti a. A bik takin chhimbiala Cooperators - te chu thawkho thiam tur leh intanpui tawn tura fuihin, LADC chuan theihtawp a chhuahpui reng tur thu a tarlang bawk. 

Southern Cooperators Meet Vawi - 1 naah hian Thupui atan ' Eizawnna hna tluantling neih nan Cooperative movement tihchak' (Strengthening Cooperative Movement for Sustainable Livelihood) tih  hman a ni a.  Lai Autonomous District Council (LADC), Mara Autonomous District Council ( MADC) leh  Chakma Autonomous District Council (CADC) atangin Cooperative Society - thahnem tak an tel thei a. 

Vawiin Southern Cooperators Meet - ah hian thupawimawh tak tak pahnih -

 1. Southern Cooperators Meet chu kum tin neih ni se, a thlentu tur chu Organising Commitee - hian rel mai thin nibawk se  

2. Mizorama  Cooperative Society hi enizawnna ngelnghet a lo nih theih nan leh Kan Movement ( Cooperative Movement) hi Mizoram puma a lo chak zawk theih nan chhimbial lama kan Union  hruaitute hian lehkha siamin Cooperation Department Budget hi min tihpun sak turin Mizoram sawrkarah ngenna siam ni se 

tih chu lawm taka pawm tlân a ni. 

Vawiin hun hmanna hi Pu Joseph Lalhmingthanga Chinzah, DRCS,LADC chuan kaihruaiin, Lawngtlai - Phawngpui MPACS, Siaha MPACS leh Zobawm Lunglei MPACS atang tein hlawhtlinna an chan thu ngaihthlak a ni a.  Pi Elizabeth H. Lalremrluangi, Cooperation Department, LADC chuan lawmthu sawiin hun a khar.