Vawiin chawhnu khan DC Conference Hall, Champhaiah Political party aiawh te leh Election Official ten training cum meeting an nei.

Dr Naveen Aggarwal District Election Officer Champhai chuan training lokalte chu an thil zirte an thian hmundanga mite hrilh chhawnin zirtir thin turin a chah a. Inthlan kaihhnawih buaipui pui thintu Mizoram People Forum te thlawpna a fakin kumin inthlannaah pawh rualbanlo voter ten vote an thlak vek theihna tura thawhho tum anih thu a sawi bawk.

Meeting leh training hi  hriat loh leh thiam loh neihte inzir zel angaih avanga mithiam observer te nena inbiakrawnna hun atana buatsaih a ni a. He hunah hian model code of conduct, campaign chungchangte,  thil tar leh zawrh tur chhutchhuah a zawm tur leh Cable TV kaltlanga fakna siam tura phalna lak hmasak zel a tul thute tarlan nawn leh a ni a. Pi Ethel Rothangpuii, RO,21-Lengteng (ST) AC & 23-Champhai North (ST) AC in inthlan kaihhnawih pawikhawihna leh hremna awmte sawiin a copy party aiawh theuhte a sem a. Pu PB Lawmthangzuala, Assistant Expenditure Observer, 23-Champhai North (ST) AC in Inthlan vuakveta candidate te sum che vel vawn dan party expenditure agent te tan a sawifiah bawk.

Champhai District chhunga ECI Observer awmte chuan inthlanna muanawm leh felfai awm theih nan mipuite dawr theih tura an inhawn reng thu leh Pisa ni apiang chawhnu dar 3 atanga dar 4 inkara DC Office Observer rooma biakpawh reng theih an nih thu an sawi a. An biak pawh theihna an tarlang nghal a, Pu Debashis Das, IAS General Observer 21- Lengteng (ST) AC
22-Tuichang (ST) AC chu 7629877717; Pu Narander Kumar Meena, IAS, General Observer 23-Champhai North (ST) AC, 24-Champhai South (ST) AC,25-East Tuipui (ST) AC chu 7629878545; Pu Santosh G.Parage, IRAS,Expenditure Observer Champhai District chu 7629877570; Pu Saroj Kumar Thakur, IPS, Police Observer Champhai District chu 6909140848/ 8794915423 ah te an biakpawh theih a ni.

Trainingah hian zawhna leh chhanna hunte hawn niin hun hlawkthlak tak hman a ni. He hunah hian Champhai District chhunga ECI Observer pathum Pu Debashis Das IAS, General Observer, 21-Lengteng (ST) AC & 22-Tuichang (ST) AC; Pu Narander Kumar Meena, IAS, General Observer for 23-Champhai North ST AC, 24-Champhai South ST AC & 25-East Tuipui  ST AC ; Pu Saroj Kumar Thakur..IPS, Police Observer for Champhai District; Dr Naveen Aggarwal, IAS, DEO Champhai bakah District Election Official dangte an tel a ni.