2014/2023-2024

Champhai the 26th September, 2023 – Kan hma lawka Mizoram Assembly Election, 2023 lo awm tur atana inpuahchahna kal mekah vawiin khan Champhai DC Conference Hall-ah political party te tan election training buatsaih a ni.

He training-ah hian Champhai District huamchhunga Assembly Constituency pathum - 23 Champhai North, 24 Champhai South leh 25 East Tuipui huamchhunga Congress, MNF leh ZPM party hruaitute an tel tha hle a ni.

Training hawnna inkhawm Pu Benjamin Zalawma Ralte, Election Officer Champhai kaihhruaiah Champhai DC & District Election Officer Pu James Lalrinchhana chuan thu sawiin, Champhai District huamchhungah inthlanna dik leh felai tak neih anih theihnan political party-te leh sawrkar official-te inkarah inhriatthiam tawnna boruak tha leh thawhhona tha tak a awm a tul takzet thu sawiin kalkhawmte theihtawp chhuah theuh turin a chah a. Election kaihhnawih inkaihhruaina leh zawm tur hrang hrang ECI in a siam te chu bel taka lo inzir theuh tura chahin training hlawkthlak tak an neih theihnan an hriatthiam loh lai te pawh inthlahrung lova zawt turin a chah a. Election kaihhnawiha party-te mamawh leh hriat duh hrang hrang te tihfel sak turin Election Office chu a inpeih reng a ni tiin, election kaihhnawih Nodal Officer-te pawh an mamawhna apiangah pan hrehlo turin a sawm a ni.

Vawiin training program-ah hian Pu M.Misael, Addl DC & Nodal Officer, MCC chuan Model Code of Conduct chungchang a zritir a; Pu Lalrinawma, PD DRDO & Nodal Officer, Expenditure Monitoring Cell chuan election kaihhnawih sum hman chungchanga inkaihhruaina hrang hrang a sawifiah a; Pi C. Lalremruati, DIPRO & Nodal Officer, MCMC chuan election kaihhnawiha media inkaihhruaina leh media expenditure chungchang a zirtir a ni.

Vawiin program-ah hian Election Expenditure hnuaia Champhai District chhunga hman tur rate chart chu pharh a ni a. He Rate Chart-ah hian campaign kaihhnawih insenso tur rate hrang hrang – motor hman man, plastic chair, pamphlet, poster, banner, sofa set, hall hman man, hoarding etc te a tel a. He Rate Chart hi zirho niin Champhai District tana hman turin pawm a ni.